كتبت دارين أبو جامع على حسابها الشخصي على موقع فيسبوك:

كل يوم بنحاول نعيش حسب الممكن الظروف زفت والي بنمر فيه لا يوصف، ما بتخيل في إنسان ممكن يتخيل صراعنا اليومي، فأحيانا بنشتاق نكون ناس عاديين، بنكتب وبنتصور بشكل عادي، في ناس مش بيعانو ومش معانا والله يحميهم طبعا ولكن دايما مستغربين بدهم يانا نعيش بطريقة اسوأ كمان عشان هم يصدقو انو احنا في إبادة، أنا رح اعملهم فوتوسيشن كيف بنودع بيوتنا المدمرة وكيف بنستقبل اخبار الإصابات والشهداء وكيف بنام تحت صوت الطيارات والصواريخ وكيف بنصحا بنص الليل خايفين وكيف قاعدين بنستنا وبنتابع اي خبر هدنة ونبني عليه احلام، عشان السادة اصحاب السمو المتفرجين ما يتضايقو لما "نحاول" نعيش لحظة طبيعية ومستكترينها علينا.. في مواجهة هذا الحقد الأسود

كمان السادة في مدرجات المتفرجين الي بيعلقو علينا واحنا بنباد مش عاجبهم العرض الي بنقدمه .. يا ريت تبعتولنا حسباتكم نرجعلكم ثمن التذاكر.