أصوات من غزة

كتب الشاعر حيدر الغزالي على حسابه الشخصي على موقع فيسبوك:

كمية الضغط اللي عايشها في هدي الأيام رهيبة، ومش ضايل كتير، وأنهار

التهديدات اللي بتلاحق شمال القطاع، الأحداث اللي بتصير بشكل متسارع ومخيف، مرعبة، أكتر من أي وقت مضى، هدا لأنه عشناها قبل هيك، ومرقت على خير، هلقيت بتعرفش ايش حيصير.

المهم انه نزوح عالجنوب فش، نزوح على كذبة الأمان فش، وبفضّل أموت، ولا أطلع.

إلا إذا تم اجبارنا.

رغم انه الأحداث حالياً جارية في مخيم جباليا، وتم محاصرته بالكامل.

بس أنا في حي، تم احتلال ما يقارب 90% منه، كلها مناطق مخلاة منذ أشهر، اللي بيقترب منها بيتم قتله. يمكن في المرة الأولى من الاجتياحات كانت أهون، تجربة أولى متوقعة.

بس هلقيت بنواجهها بعد سنة، في وقت كنا نتمنى فيه الحرب تكون مخلصة.

آه عالقهر.